அடுக்குத் தொடர்
ஒரு சொல் தனித்து பொருள் தந்து, அதே சொல் மீண்டும் அடுக்கி வருவது அடுக்குத் தொடர் ஆகும்.
அடுக்குத் தொடர்கள் சில கீழே தரப்பட்டுள்ளன
- சுடச் சுடச்
- ஊர் ஊர்`
- விடு விடு
- ஊற்றி ஊற்றி
- நீண்ட நீண்ட
- குவியல் குவியல்
- ஐயோ ஐயோ
- சிறிய சிறிய
- புதிய புதிய
- வண்ண வண்ண
- பெரிய பெரிய
- பாய்ந்து பாய்ந்து
- பாடிப் பாடி
- சிறிய சிறிய
- உயர உயர
- விடிய விடிய
- கதறிக் கதறி
- ஐயோ ஐயோ
- கீழே கீழே
- மேலே மேலே
- வரிசைவரிசை
- குனிந்து குனிந்து
- அழுது அழுது
- ஏறி ஏறி
- கூடிக் கூடி
- பழகப் பழக
- நடுங்கி நடுங்கி
- தெருத் தெரு
- விம்மி விம்மி
அடுக்குத் தொடரைப் பயன்படுத்தி வசனம் அமைத்தல்
- பழகப்பழக : பழகப் பழக பாலும் புளிக்கும்.
- விம்மிவிம்மி: பரீட்சையில் குறைந்த புள்ளிகளைப் பெற்ற தேவி விம்மி விம்மி அழுதாள்.
- உயரஉயர : வானத்தில் பருந்து உயரஉயரப் பறந்தது.
- கதறிக்கதறி : மரத்தில் இருந்து விழுந்த சிறுவன் கதறிக்கதறி அழுதான்.
- குவியல்குவியல் : சந்தையில் தேங்காய்கள் குவியல் குவியலாக குவிக்கப்பட்டிருந்தன.
- மேலேமேலே : பருந்து வானத்தில் மேலேமேலே பறந்து சென்றது.
- நீண்டநீண்ட : பந்தலில் நீண்ட நீண்ட புடலங்காய்கள் தொங்கிக்கொண்டிருந்தன.
- பாடிப்பாடி : கலை விழாவில் மாணவர்கள் பாடலைப் பாடிப்பாடி ஆடினார்கள்.
- புதியபுதிய : சந்தையில் பொங்கலுக்காகச் செய்யப்பட்ட புதியபுதிய பானைகள் அடுக்கி வைக்கப்பட்டிருந்தன.
- பெரியபெரிய : பலா மரத்தில் பல பெரியபெரிய பலாப்பழங்கள் நிறைய இருந்தன.
- ஐயோஐயோ : சாந்தன் மரத்தில் இருந்து விழும்போது ஐயோ ஐயோ எனக் கத்தினான்.
- வண்ணவண்ண : பூந்தோட்டத்தில் பல வண்ணவண்ணப் பூக்கள் பூத்திருந்தன.
- ஊற்றி ஊற்றி: மோர் சுவையாக இருந்ததால் தம்பி அதை ஊற்றிஊற்றிக் குடித்தான்.
- பாய்ந்து பாய்ந்து: சிங்கம் துரத்திய மான்கள் பாய்ந்துபாய்ந்து ஓடின.
- குனிந்து குனிந்து: வயலில் விவசாயிகள் நாற்றுக்களை குனிந்து குனிந்து நட்டனர்.
- வரிசைவரிசை: கலை விழாவுக்காக கதிரைகள் வரிசைவரிசையாக அடுக்கி வைக்கப்பட்டிருந்தன.
கருத்துகள் இல்லை:
கருத்துரையிடுக