தொடர்மொழிக்கு ஒரு மொழி

• யாதாயினும் ஒன்றைத் தொடங்குவதற்கு எடுக்கப்படும் விழா -கால்கோள்விழா
• அகர வரிசைப்படி சொற்களுக்குப் பொருள் தருவது -அகராதி
• கடவுள், அரசன் என்போர் எழுந்தருளும் போது அவர்களது விருதுப்பெயர், வெற்றி என்பவற்றை எடுத்துக் கூறுதல் - கட்டியம்
• தாய் தந்தையரை இழந்தவன் - அநாதை
• சிறைத் தண்டனை பெற்றவன் - கைதி
• ஒருவர்/ஒரு பொருள் தன் கதையைக் கூறுவது - சுயசரிதை
• வழக்கைத் தாக்கல் செய்ப்பவன் - வாதி
• வழக்கில் குற்றம் சாடடப்படுபவன் - பிரதிவாதி
• சுதந்திரமற்று வாழ்பவன் - அடிமை
• அரண்மனையில் பெண்கள் வாழுமிடம் - அந்தப்புரம்
• வீண் செலவு செய்ப்பவன் - ஊதாரி
• தேர்தல் ஒன்றில் போட்டியிடுபவன் - வேட்பாளர்
• நடக்க இருப்பவற்றை முன்கூட்டியே கூறுபவன் - தீர்க்கதரிசி
• விசாரணை முடிவில் நீதிபதியால் வழங்கப்படுவது - தீர்ப்பு
• முனிவர்கள்(துறவிகள்) வாழுமிடம் - ஆச்சிரமம்
• நூலுக்கு இன்னொருவரால் வழங்கப்படும் உரை - அணிந்துரை
• மற்றவர்களைப் பற்றி அக்கறையில்லாதவன் - சுயநலவாதி
• அறிஞர் பலர் முன்னிலையில் புதிதாக அல்லது முதல்முதலில் நூலையோ, கலை நிகழ்ச்சியையோ செய்தல்- அரங்கேற்றம்
• வயோதிபம் அடையாமல், எதிர்பாராமல் இறத்தல் - அகாலமரணம்
• ஒரேநேரத்தில் எட்டு விடயங்களை அவதானிக்கும் ஆற்றல் படைத்தவன்- அட்டாவதானி
• மாலையில் அல்லது இரவில் கூடும் சந்தை- அல்லங்காடி
• உலக நடையறிந்து ஒழுகுதல்- ஒப்புரவு
• ஒருவர் இறந்த பின் அவரின் உறவினர் (பெண்கள்) அவரை நினைத்து புலம்பி அழுதல் - ஒப்பாரி
• மேடையேற்றுமுன் எந்த நிகழ்ச்சியையும் சரி பிழை பார்த்தல் - ஒத்திகை
• தனக்கான உணவை வேறோர் பிராணியிடமோ, தாவரத்திலோ இருந்து உறுஞ்சி வாழுவது - ஒட்டுண்ணி
• ஐந்து உனர்வுகள் - ஐம்புலன்
• தாமே எல்லாப் பொருளையும் அனுபவித்தல் - ஏகபோகம்
• ஆணோ, பெண்ணோ அல்லாதவர் - அலி
• ஒருவருக்குரிய சொத்துக்கள் - ஆதனம்
• சொல்லத் தகாத சொல்லை மறைத்து வேறோர் வகையில் சொல்லல்- இடக்கரடக்கல்
• நெடுங்காலம் வாழ்பவன் - சிரஞ்சீவி
• வருடம் தோறும் பிறந்தநாள் அன்று எடுக்கப்படும் விழா- ஜயந்திவிழா
• நூறு ஆண்டுகள் கொண்ட காலம் - சதாப்தம்
• ஒருவருக்கு லஞ்சமாக வழங்கப்படும் பணம் - கையூட்டு
• ஒருவரை பார்க்கச் செல்லும் போது கொண்டுசெல்லப் படும் உபகாரப்பொருள் - கையுறை
• தாமே தமது நோய்க்கு செய்யும் மருந்து - கைம்மருந்து
• ஒருவரிடம் தன்னை ஒப்படைத்தல் - சரணாகதி
• சமயப்பணி செய்யும் இடம் - ஆதினம்
• குறிப்பிட்ட காலத்திற்கு ஒருமுறை புத்தக வடிவில் வரும் பத்திரிகை - சஞ்சிகை
• அறிஞர் கூடி வாதிடும் களம் - பட்டிமன்றம்
• ஒருவர் தோன்றி மறையும் வரையுள்ள காலம் - தலைமுறை
• கடற்கரையில் மீன் பிடித் தொழிலாளர் தங்கி இருக்கும் இடம் - வாடி
• கடவுளுக்கோ பெரியோருக்கோ சமர்ப்பிக்கப்படும் பொருள் - காணிக்கை
• கொலை, களவு, கள், காமம், குருநிந்தை எனும் ஐந்தும் - பஞ்சமாபாதகம்
• அனைத்து உடைமைகளையும் இழந்தவன் - அகதி
• போர் வீரர் அணியும் பாதுகாப்புக் கருவி/உடை - கவசம்
• ஒருவருக்கு ஏற்பட்ட நட்டத்துக்கு வழங்கப்படும் பணம் - நட்ட ஈடு
• பிள்ளை இல்லாது இருப்பவள் - மலடி
• இறந்தவர்களுக்குச் செய்யப்படும் கடன்கள் -பிதிர்க்கடன்
• கற்று மணம் முடிக்காது இருப்பவன் - பிரமச்சாரி
• குழைந்தை உறங்கப்பாடும் பாட்டு - தாலாட்டு
• ஏற்றுமதி / இறக்குமதிப் பொருட்கள் மீது விதிக்கப்படும் வரி - சுங்கவரி
• மனைவியை இழந்தவன் - தபுதாரன்
• கணவனை இழந்தவள் - விதவை
• முனிவர்கள் தவம் செய்யும் காடு- தபோவனம்
• ஒருவர் தன்னைப் பற்றி தானே எழுதுவது - சுயசரிதை
• புராதன பொருட்களைச் சேமித்து வைக்கும் இடம் - நூதனசாலை
• நூலாசிரியர் நூலைப்பற்றி தானே எழுதும் உரை - முன்னுரை
• தனது நாட்டை நேசிப்பவன் - தேசாபிமானி
• எதிர் காலத்தை அறியும் ஆற்றல் படைத்தவன் - தீர்க்கதரிசி
• நிலத்தின் கீழ் அமைக்கப்படும் வழி - சுரங்கம்
• பொருள் பண்டங்களைச் சேகரித்து வைக்கும் இடம்- களஞ்சியம்
• ஒருவராலும் படைக்கப்படாமல் தாமே தோன்றுவது - சுயம்பு
• மேலும் செலுத்தப் படவேண்டிய தொகை - நிலுவை
• ஒரு சொல்லையோ, சொற்றோடரையோ இருபொருள் படத் தொடுப்பது -சிலேடை
• நிலத்தின் உரிமை கொண்டாடுவதற்குச் சான்றாக எழுத்துருவில் அமைந்த உறுதி -ஆவணம்
• பெண்ணும் சுற்றமும் உடன்படாமல் வலிந்து கொள்ளும் மணம் -இராக்கதம்
• ஒருவர் இறந்த பின்னர் செய்யப்படும் சமய சம்பந்தமான இறுதிக் கிரியைகள் -ஈமக்கிரியை
• பொன்னை உரைத்து அதன் தரம் அறிய உபயோகிக்கப்படும் ஒரு வகைக்கள் -உரைகல்
• ஒரு பொருளுக்கு ஒப்பாக எடுத்துச் சொல்லப்படும் மற்றுமொரு சொல் -உவமானம்
• அடி தோறும் செய்யுட் சீர்களின் அல்லது வாக்கியத்தில் சொற்களில் இரண்டாவது ஒன்றிவரத் தொடுப்பது -எதுகை
• முதுமைக் கால தேவைகளுக்காகச் சேமித்து வைக்கப்படும் பொருள் -எய்ப்பில்வைப்பு
• அரசன் சபா மண்டபத்திலே அமைச்சர், படைத்தலைவர், அறிஞர் முதலிய பரிவாரத்தினர் சூழ வீற்றிருக்கும் இடம்-ஓலக்கம்
• பேணிப் பாதுகாத்துத் தருமாறு ஒருவரை இன்னொருவரிடம் ஒப்படைத்தல் -ஓம்படை
• அரசர்களுக்குரிய சோலையில் செயற்கையாக அமைக்கப்பட்ட சிறு குன்று -செய்குன்று
• சஞ்சலம் என்னும் பெயரையுடைய ஆயிரம் சங்குகளின் நடுவே இருக்கும் உயர் சாதிச் சங்கு-பாஞ்சன்யம்
• பொது மக்களுக்காக அரங்கிலே ஆடப்படும் கூத்துவகை -பொதுவியல்
• புராணக் கதைகளை சுவைபட பிரசங்கம் செய்வோன் -பௌராணிகன்
• அரசரும் செல்வரும் தமக்குக் கீழே சேவை புரிவோருக்கு வழங்கும் நிலம் -நிந்தகம்
• நூலாசிரியர் தமது நூலைப் பற்றி நூல் முகப்பில் எழுதும் உரை -நூன்முகம்
• தனது நாட்டை நேசிப்பவன் -தேசாபிமானி
• ஆயுள் முழுவதும் பிரம்மச்சாரியாக விரதம் காத்து வாழ்பவன் -நைட்டிகன்
• நகையும் பரிகாசமும் சேர்ந்து வரக் கவி புனையும் ஆற்றல் -விகடகவி
• புதிதாக செய்யப்பட்ட கப்பல், தேர் முதலியவற்றை செலுத்திப் பார்த்தல் - வெள்ளோட்டம்
• உயிர் துறக்கும் துணிவுடன் வட திசை நோக்கி உண்ணாதிருத்தல் -வடக்கிருத்தல்
• கல்லிலேனும் செபேட்டிலேனும் பொறிக்கப்படும் ஒருவருடைய வெற்றி, புகழ் முதலியன் -மெய்க்கீர்த்தி
• மன்னர்களால் செய்யப்படும் சிறப்பு -மாராயம்
• இலட்சங்கோடி அளவுடைய நிதி -சங்கநிதி
• ஒரே நேரத்தில் பத்து விடயங்களை அவதானிக்கும் தன்மை கொண்டவன் - தசாவதானி
• பகைவருக்குக்/கெட்டவருக்குக் வழங்கப்படும் பணம் - கப்பம்
• ஆதாரம் இல்லாமல்/ உண்மையில்லாமல் சொல்லப்படும் செய்தி/கதை - கட்டுக்கதை
• அறிவு சார்ந்த பல விடயங்களைக் கொண்ட நூல் - கலைக்களஞ்சியம்
• ஒருவருக்கு அன்பு சார்ந்து வழங்கப்படுவது - அன்பளிப்பு
• அறிஞர்கள் வாதிடும் இடம் - பட்டிமன்றம்
• ஒன்றாகப் படித்தவன் - சகபாடி
• ஒருவர் பிறந்து இறக்கும் வரையுள்ள காலம் - ஆயுட்காலம்
• முனிவர்கள் தங்கி வாழும் இடம் - பன்னசாலை
• சூரியன்/சந்திரனைச் சுற்றி உள்ள வட்டம் - பரிவேடம்
• ஒவ்வொரு நாளும் வெளியிடப்படும் பத்திரிகை - தினசரி
• ஒருவர் பிறந்த நாடு - தாய்நாடு
• பொருட்கள் உற்பத்தி செய்யும் இடம் - தொழிற்சாலை
• கப்பல்கள் நங்கூரமிடும் இடம் - துறைமுகம்
• கடவுள் இல்லை என்று வாதிடுபவன் - நாத்திகன்
• கடவுள் உண்டு என்று நம்புபவன் - ஆத்திகன்
• ஒன்றுபோல் இருக்கும் வேறொன்று - போலி
• மட்பாண்ட வேலை செய்பவன் - குயவன்
• கட்டட வேலை செய்பவன் - கொத்தன்
• அரசகுமாரன் காட்டிற்குச் சென்று முதன்முதல் நடாத்தும் வேட்டை - கன்னிவேட்டை
• தானும் உண்ணாமல் பிறருக்கும் கொடுக்காதவன் - உலோபி
• ஒருகருமத்தை பின் செய்யலாமென தள்ளி வைத்தல் - ஒத்திவைத்தல்
• மனைவியின் சகோதரிக்குக் கணவன் - சகலன்
• நூறு ஆண்டுகள் கொண்ட காலப்பகுதி- சதாப்தம்
• ஓர் இனத்தில், பரம்பரை பரம்பரையாக இருந்துவரும் பழக்க வழக்கங்கள்- சம்பிரதாயம்
• வளர்ப்புத் தாய் - செவிலி
• பிறந்த நாட்டை நேசிப்பவன்- தேசாபிமானி
• குற்ற விசாரணைக்காக ஒருவரைப் பாதுகாப்பில் வைத்தல் - விளக்கமறியல்
• பிறர் எவ்வாறு கூறினாலும், தான் எடுத்துக்கொண்ட காரியத்தை சரியென்று சொல்லி பிடிவாதம் பிடிப்பவன் - விடாக்கண்டன்
• தேர்தலில் வாக்களிக்கும் உரிமையுடையவர் - வாக்காளர்
• தேர்தலில் ஒருவரைத் தெரிவுசெய்யும் உரிமை- வாக்குரிமை

மேலும் கற்க கீழே உள்ள Link ஐ Click செய்க.

தொடர்மொழிக்கு ஒரு சொல் பயிற்சி 1 மரபுத் தொடர்கள்
பழமொழிகள்
உவமைத் தொடர்
வேற்றுமைகள்  
மரபுப் பெயர்கள் 

---