இரட்டைக் கிளவி| அதன் பொருள்| வசனம் அமைத்தல்

இரட்டைக் கிளவி

இசை பற்றியும் பண்பு பற்றியும் குறிப்புப் பற்றியும் அடிச் சொல் இரட்டித்து நிற்பது இரட்டைமொழி/இரட்டைக்கிளவி யாகும்.

ஒரு சொல் தனித்துப் பொருள் தராமல், இரு முறை இடம் பெற்று ஒரு கருத்தை புலப்படுத்துமாயின் அச்சொல் இரட்டைக்கிளவி  எனப்படும். இரட்டைக் கிளவிகள் ஓசைப் பண்பினைக் குறிப்பாக உணர்த்தும்.

இரட்டைக் கிளவி - அதன் பொருள்

• கண கண - உடம்புச்சூடு
• கிடு கிடு - அச்சம்/நடுக்கம்
• குடு குடு - நடத்தல்
• மட மட - நீர்குடித்தல்
• கம கம - நறுமணம்
• சல சல - நீரோசை
• கடு கடு - கோபம்
• கல கல - சிரிப்பு
• கட கட - வண்டிச் சத்தம்
• சட சட - பரபரத்தல்
• படபட - கோபக் குறிப்பு
• சடார் சடார் - பலத்த காற்று
• திரு திரு- பயத்தில் விழித்தல்
• நறு நறு- பற்களை கடித்தல்
• திருதிரு - விழித்தல்
• கிசுகிசு - ரகசியம் சொல்லல்
• தடதட - வேகமாகச் செய்தல்
• பொலபொல - விடிதல்/ கண்ணீர் வடிதல்
• விறுவிறு - வேகமாக
• கணீர்கணீர் - மணியோசை
• கலீர்கலீர் - சலங்கை ஒலி
• சுள்சுள் - வலித்தல்
• தகதக - கொதித்தல்
• விண்விண் - உடம்பு வலி
• குளுகுளு - தென்றல் காற்று
• பளார் பளார் - கன்னத்தில் அறைதல்
• குபீர் குபீர் - குருதி பாய்தல் / விரைந்து பாய்தல்
• வழவழ - பேச்சு
• பள பள - மின்னுதல்
• டக் டக் - வேகமாக
• குபு குபு - இரத்தம் ஓடுதல்
• சிணுசிணு - சிணுசிணுத்தல்
• சிடு சிடு - கோபம்
• சுடு சுடு - வேகமாக
• தொளதொள - நெகிழ்வு
• பிசுபிசு - பச்சைத்தன்மை
• கறகற - தொந்தரவு
• மினுமினு - மினுக்கம்
• வளவள - பயனின்றிப் பேசுதல்
• தழுதழு - நாதடுமாறுதல்

இரட்டைக் கிளவி சொற்களைப் பயன்படுத்தி வசனம் எழுதுதல்

இரட்டைக் கிளவி சொல்	வசனம்
மினுமினு	செல்வி அணிந்திருந்த நகைகள் சூரிய ஒளி பட்டு மினுமினுத்தன.
குபீர் குபீர்	ஓடி விழுந்த கவினின் காலில் இருந்து இரத்தம் குபீர் குபீர் என பாய்ந்த்தது.
திரு திரு	காவலர்களிடம் பிடிபட்ட திருடன் திரு திரு என முழித்தான்.
கணீர்கணீர்	அதிகாலையில் கோவில் மணி கணீர்கணீர் என ஒலித்தது.
விண்விண்	ஊஞ்சலில் இருந்து விழுந்தபோது அடிபட்ட எனது கால் விண்விண் என வலித்தது.
தடதட	கலை விழாவின் போது மாணவத் தலைவர்கள் தமது கடமைகளைத் தடதட எனச் செய்து முடித்தார்கள்.
தகதக	பானையில் தண்ணீர் தகதக எனக் கொதித்துக்கொண்டிருந்தது.
நறு நறு	கோபத்தில் காந்தன் தனது பற்களை நறு நறு எனக் கடித்துக்கொண்டிருந்தான்.
பளார் பளார்	கோபங்கொண்ட ராமு விஜயின் கன்னத்தில் பளார் பளார் என அறைந்தான்.
பொலபொல	மகனின் பெருமையை ஆசியர் கூறிய போது தந்தையின் கண்களில் கண்ணீர் பொலபொல என வழிந்தது.
கிடு கிடு	காவலர்களிடம் பிடிபட்ட திருடர்கள் கிடுகிடு என நடுங்கிக்கொண்டிருந்தார்கள்.
கமகம	எனது வீட்டு முற்றத்தில் இருந்த மல்லிகைக் கொடியில் பூக்கள் பூத்து கம கம என நறுமணம் வீசிக்கொண்டிருந்தது.
கலகல	நகைச்சுவைக் காட்சியைப் பார்த்து மாணவர்கள் கலகல எனச் சிரித்தார்கள்.
சலசல	காட்டில் ஆறு சல சல என ஓடிக்கொண்டிருந்தது.
சிணுசிணு	அம்மா காலையில் எழுப்பி படிக்கச் சொன்ன போது சுமதி சிணுசிணுத்தாள்.
கலீர்கலீர்	தேவி பரத நாட்டியம் ஆடியபோது அவள் கட்டியிருந்த சலங்கைகள் கலீர்கலீர் என ஒலித்தன.
வளவள	மல்லிகாவும், சுமதியும் வளவள எனப் பேசிக்கொண்திருந்தார்கள்.
சடார் சடார்	புயல் வீசிய போது வீட்டு யன்னல்கள் எல்லாம் சடார் சடார் என அடித்துக்கொண்டிருந்தன.
குடுகுடு	பாட்டி கோவிலுக்கு தெருவோரமாக குடுகுடு என நடந்து சென்றாள்.
மடமட	பாடசாலையிலிருந்து வீடு வந்த தம்பி மடமட என ஒரு பானைத் தண்ணீரைக் குடித்து முடித்தான்.

Video விளக்கத்தைப் பெற இங்கே Click செய்க