அடைமொழிகள்

வாக்கிய உறுப்புக்களை விளக்கியும் விரித்தும் எழுத்துவதற்குப் பயன்படுவதே அடைமொழிகள் ஆகும்.

எழுவாய், பயனிலை,செயப்படுபொருள் என்னும் வாக்கிய உறுப்புக்களை விசேடித்து கூறும் சொற்கள் அடைமொழிகள் எனப்படும்.

• அழகான குழந்தை அங்கே இருந்தது - எழுவாய் அடைமொழி
• நாய் விரைவாய்  ஓடியது. - பயனிலை அடைமொழி 
• காற்று பெரிய மரத்தை வீழ்த்தியது. - செயப்படுபொருள் அடைமொழி 

அடை மொழிகள்

ஒரு பெயரை அல்லது வினையை விசேடிக்க அல்லது மேலும் விளக்குவதற்காக பயன் படுத்தப்படும் சொற்கள் அடைமொழிகள் எனப்படும்.

இதை இரண்டாக வகைப்படுத்தலாம்.

• பெயரடை
• வினையடை

பெயரடை

பெயர்ச் சொற்களை விசேடித்து வரும் அடை "பெயரடை மொழி" எனப்படும்.

உதாரணங்கள்:

• பெரிய மரம்
• நல்ல புத்தகம்
• சிறந்த மனிதன்
• மிகப் பெரிய மரம்
• அழகான பெண்
• வேகமான குதிரை

பெயரடையை அதன் அமைப்பு அடிப்படையில் இரண்டாகப் பிரிக்கலாம்.

அவை தனிப் பெயரடை, ஆக்கப் பெயரடை(கூட்டுப் பெயரடை) ஆகும்.

• தனிப் பெயரடை
• பெயர்ச் சொற்களை விசேடித்து வரும் தனிச் சொல் பெயரடையாக வந்தால் அது "தனிப் பெயரடை" எனப்படும்.
• உதாரணங்கள்:
• சிவந்த பூ
• பெரிய மரம்
• நல்ல வீணை
• குறுகிய சிந்தனை
• ஆக்கப் பெயரடை/ கூட்டுப் பெயரடை
• பெயர்ச் சொற்களை விசேடித்து விளக்கி வரும் கூட்டுச் சொல் பெயரடையாக வந்தால் அது "ஆக்கப் பெயரடை/கூட்டுப் பெயரடை" எனப்படும்.
• உதாரணங்கள்:
• இனிமையான பாடல் (இனிமை + ஆன)
• கருணையுள்ள உள்ளம் (கருணை+ உள்ள)
• அழகான பெண்
• பண்புள்ள மாணவன்
• வேகமான குதிரை

வினையடை

வினைச் சொற்களை விசேடித்து வரும் அடை "வினையடை" எனப்படும்.

உதாரணங்கள்:

• நேற்று வந்தான்
• மெல்லச் சிரித்தான்
• நாளை போவான்
• வேகமாக ஓடினான்
• இனிமையாகப் பாடினான்
• ஏராளமாக வைத்திருக்கிறார்கள்.

வினையடையை அதன் அமைப்பு அடிப்படையில் இரண்டாகப் பிரிக்கலாம்.

அவை தனி வினையடை,  ஆக்க வினையடை(கூட்டு வினையடை) ஆகும்.

• தனி வினையடை
• வினைச் சொற்களை விசேடித்து விளக்கி வரும் தனிச் சொல் வினையடையாக வந்தால் அது "தனி வினையடை" ஆகும்.
• உதாரணங்கள்:
• நாளை போவான்
• இன்றும் வருவான்
• மெல்ல வா
• முன்பு சொன்னேன்
  
  
• ஆக்க வினையடை/ கூட்டு வினையடை
• வினைச் சொற்களை விசேடித்து விளக்கி வரும் வினையடைகள் பிரிக்கக் கூடியதாய் இருந்தால் அவை " ஆக்க வினையடை/ கூட்டு வினையடை" எனப்படும்.
• உதாரணங்கள்:
• வேகமாக ஓடினான். (வேகம்+ஆக)
• இனிமையாகப் பாடினான். (இனிமை+ஆக)
• ஏராளமாக வைத்திருக்கிறார்கள்.
• நிதானமாய்க் கூறினான்