The Planet Earth in Tamil

 புவிக்கோளம்

• புவி கோளவடிவமானது ( spherical object).
• புவியின் முனைப்பகுதி தட்டையான தன்மையைக் கொண்டிருக்கின்றது.
• புவியின் மத்திய கோட்டுச் சுற்றளவு (equatorial circumference) முனைச் சுற்றளவை (polar circumference) விட அதிகம். (40,077km, 39,943km)
• புவியின் மத்திய கோட்டு விட்டம் (Equatorial diameter) முனைவு விட்டத்தை(Polar diameter) விட சிறிது அதிகம். (12,757km, 12,714km)
• இதன் வித்தியாசம் சிறிதளவாக இருப்பதால் புவி கோளவடிவானது என்றே கொள்ளப்படுகின்றது.
• புவி மேற்பரப்பின் பரப்பளவு (surface area) 510 மில்லியன் சதுர கிலோமீட்டர் ஆகும். (510,000,000km²).
• புவி தனது அச்சிலிருந்து 23.5^௦ சாய்ந்து உள்ளது.

புவிச்சுற்றுகை

• புவி தனது அச்சில் தன்னைத் தானே சுற்றுவது, புவிச் சுழற்சி (rotation) எனப்படும். ஒரு புவிச் சுழற்சிக்கு எடுக்கும் காலம் 24 மணித்தியாலங்கள் அல்லது ஒரு நாள் ஆகும்.
• புவி தனது அச்சினைச்  மேற்கிலிருந்து கிழக்காக சுற்றுகின்றது.
• புவிச் சுழற்சி காரணமாக சூரியன் கிழக்கு திசையில் உதித்து மேற்கில் மறைவது போல் எமக்கு புலனாகின்றது.
• புவி சுழற்சி காரணமாகவே இரவும் பகலும் உண்டாகின்றது.
• புவி தனது அச்சில் சுழன்று கொண்டு, சூரியனையும் சுற்றி வருவது புவிச் சுற்றுகை (revolution) எனப்படும். ஒரு புவிச் சுற்றுகைக்கு எடுக்கும் காலம் 365 ¼ நாட்கள் ஆகும்.
• புவி அச்சிலிருந்து சாய்ந்து உள்ளதாலும், அது நீள்வட்டப் பாதையில் சூரியனைச் சுற்றிவருவதாலும் பருவகாலங்கள் ஏற்படுகின்றன. (மேலே உள்ள படத்தில் காட்டப்பட்டுள்ளது.)

கற்பனைக்கோடுகள்

அகல நெடுங்கோடுகள்

• புவியியல் ரீதியாகப் பூகோளம் ஒன்றை அவதானிக்கும் போது, கற்பனைக் கோடுகள் கிடையாகவும், நிலைக்குத்தாகவும் வரையப்படும்.
• மேற்கிலிருந்து, கிழக்காக (கிடையாக) வரையப்படும் கற்பனைக் கோடுகள் அகலக்கோடுகள் (latitudes) எனப்படும்.
• வடக்கிலிருந்து, தெற்காக (நிலைக்குத்தாக) வரையப்படும் கற்பனைக் கோடுகள் நெடுங்கோடுகள் (longitudes) எனப்படும்.
• கோளத்தின் மத்தியில் கிடையாக அமைந்த அகலக்கோடு (0⁰) மத்தியகோடு (equator) எனப்படும்.
• மத்திய கோட்டின் வடக்குப் பகுதி வட அரைக்கோளம் (Northern Hemisphere) எனவும் தெற்குப் பகுதி தென் அரைக்கோளம் (Southern Hemisphere) எனவும் அழைக்கப் படும்.

அகலக்கோடுகள்

அகலக்கோடுகள்

• வடதுருவம் (N:90^o)
• ஆட்டிக் வட்டம் (N:66.5^o)
• கடகக்கோடு (N:23.5^o)
• மத்தியகோடு (0^o)
• மகரக்கோடு (S:23.5^o)
• அந்தாட்டிக் வட்டம் (S:66.5^o)
• தென்துருவம் (S:90^o)

நெடுங்கோடுகள்

நெடுங்கோடுகள்

• பிரித்தானியாவின் கிரீன்விச் நகரத்தின் ஊடாக வரையப்பட்ட நெடுங்கோடு (0^o ) கிரீன்விச் நெடுங்கோடு எனப்படும்.
• இக்கோட்டுக்கு மேற்குப் பக்கமாக (180^o ) இருப்பவை மேற்கு நெடுங்கோடுகள்.
• இக்கோட்டுக்கு கிழக்குப் பக்கமாக (180^o ) இருப்பவை கிழக்கு நெடுங்கோடுகள்.
• 180^o நெடுங்கோடு மேற்கிற்கும், கிழக்கிற்கும் பொதுவானது.
• 180^o நெடுங்கோடு - சர்வதேச திகதிக்கோடு ஆகும்.
• நெடுங்கோடுகளின் அமைவுக்கேற்ப உலகின் ஒவ்வொரு இடத்துக்கும் உரிய நேரம் ஒன்றுக்கொன்று வேறுபடுகின்றது.
• புவி 24 மணித்தியாலங்களில் முழுமையாகச் தன்னைத் தானே சுற்றுகின்றது(360^o). ஆகவே ஒரு மணி நேரத்தில் இதன் நகர்வு 15^o நெடுங்கோடாகும்.
• 1^o கடந்து செல்ல 4 நிமிடங்கள் எடுக்கின்றது.
• கிரீன்விச் நெடுங்கோட்டிலிருந்து கிழக்கு நோக்கி 15^o நெடுங்கோடுகளுக்கு ஒரு மணித்தியாலம் அதிகரிக்கும்.
• கிரீன்விச் நெடுங்கோட்டிலிருந்து மேற்கு நோக்கி 15^o நெடுங்கோடுகளுக்கு ஒரு மணித்தியாலம் குறைவடையும்.

புவி மேற்பரப்பில் அமைந்துள்ள ஒர் இடத்தின் அமைவை குறிப்பாகவும், சரியாகவும் குறிப்பிடுவதற்கு அகல நெடுங்கோடுகள் பயன் படுகின்றன.

Vedio விளக்கம் பெற இங்கே Click செய்க. 

---