புணர்ச்சி வகைகள்

தமிழில் பல சொற்களைப் பொருள் தரக்கூடிய வகையில் பிரித்து எழுதமுடியாது.

உ+ம் :
காற்று
பந்து
இனிப்பு
மலர்
நாய்
ஓசை
ஒளி
இன்பம்
மரம்

ஆனால் பல சொற்கள் பொருள் தரக்கூடிய இரண்டு சொற்கள் இணைந்து வந்துள்ளன.
உ+ம்:
மணல்வீடு = மணல்+வீடு
விண்மீன் = விண் +மீன்
மாவிலை = மா+இலை

புணர்ச்சி வகைகள்
சொற்கள் ஒன்றோடு ஒன்று பொருள் தரும் வகையில் புணரும் பொழுது பலசொற்கள் இயல்பாகவும், பல சொற்கள் விகாரப்பட்டும் புணரும்.

• இயல்புப் புணர்ச்சி
  சொற்கள் பொருள் தரும் வகையில் இயல்பாகச் சேர்ந்தால் அது இயல்புப் புணர்ச்சி எனப்படும்.
  கண்+காட்சி = கண்காட்சி
  மண்+வெட்டி =மண்வெட்டி
  கொடி+மரம்=கொடிமரம்
  
• விகாரப் புணர்ச்சி
  சொற்கள் பொருள் தரும் வகையில் ஒன்றோடு ஒன்று சேரும்போது விகாரமடைந்து சேர்ந்தால் அது விகாரப் புணர்ச்சி எனப்படும்.
  விகாரப் புணர்ச்சி மூன்று வகைப்படும்.
• தோன்றல் விகாரம்
  புணர்ச்சியின் போது புதிய எழுத்தொன்று சேர்ந்தால் அது தோன்றல் விகாரம் எனப்படும்.
  காலை+பொழுது=காலைப்பொழுது
  மா+பழம்=மாம்பழம்
• திரிதல் விகாரம்
  புணர்ச்சியின் போது ஓர் எழுத்து வேறோர் எழுத்தாக மாறுதல் திரிதல் விகாரம் எனப்படும்.
  மண்+பானை=மட்பானை
  கல்+குகை=கற்குகை
  பொன் +குடம்=பொற்குடம்
• கெடுதல் விகாரம்
  புணர்ச்சியின் போது எழுத்துக்கள் கெடுமாயின் அது கெடுதல் விகாரம் எனப்படும்.
  மரம்+வேர்=மரவேர்
  பணம்+வரவு=பணவரவு

சேர்த்தெழுதல் பயிற்சிகள்