Sakthi muthalkal

சக்தி முதல்கள்

எம்மால் செய்யப்படும் பல்வேறு செயற்பாடுகளுக்கு சக்தி தேவைப்படுகின்றது. எமக்குத் தேவையான சக்தியை சக்தி முதல்களிருந்து பெற்றுக்கொள்கின்றோம்.

செயற்பாடு	சக்திமுதல்
உணவு சமைத்தல்	விறகு, மின், L.P.வாயு
போக்குவரத்து	பெற்றோல், டீசல்
ஆடைகளை உலர்த்தல்	சூரியன்
இலத்திரனியல் உபகரணங்கள்	மின்
தொழிற்சாலை இயந்திரங்கள் இயங்குதல்	மின்

சக்தி முதல்களை இரண்டு வகையாகப் பிரிக்கலாம்.

மீளப்புதுப்பிக்கக்கூடிய சக்தி முதல்கள்	மீளப்புதுப்பிக்க முடியாத சக்தி முதல்கள்
ஓடும் நீரின் சக்தி சூரிய சக்தி உயிர்த்திணிவு புவிவெப்ப சக்தி காற்று சக்தி	கனிய எண்ணெய் கற்கரி இயற்கைவாயு அணுக்கருச்சக்தி

பயன்படுத்தும் போது அல்லது குறிகிய காலத்தில் மீண்டும் உருவாக்கக்கூடிய சக்தி முதல்கள் மீளப்புதுப்பிக்கக்கூடிய சக்தி முதல்கள் எனப்படும்.

ஒரு தடவை பயன்படுத்தும் போது மீண்டும் உருவாகாத அல்லது மீண்டும் உருவாக நீண்ட காலத்தை எடுக்கும் சக்தி முதல்கள் மீளப்புதுப்பிக்க முடியாத சக்தி முதல்கள் எனப்படும்.

சூரியசக்தி

அனுகூலம்	பிரதிகூலம்
மீளப்புதுப்பிக்கக்கூடியது. சுற்றாடலை மாசடையச் செய்யாதது. இலாபகரமானது	சூரியப்படல் விலை கூடியது. மழைமேகம் உள்ள நாட்களில் சூரியப்படலின் வினைத்திறன் குறையும். சூரியப்படலில் இருந்து பெற்றுக்கொள்ளப்படும் மின் சக்தியை மின் கலங்களில் சேமிக்கலாம். எனினும் கலங்களில் அதிக அளவு மின் சக்தியை களஞ்சியப்படுத்த முடியாது. (செயலிழந்த கலங்களை சூழல் மாசடையாமல் முறையாக அகற்ற வேண்டும்)

காற்று

நெல்லைத் தூய்மைப்படுத்தல் காற்றாலைகளினால் தானியங்களை அரைத்தல் பாய்க்கப்பலில் பயணம் செய்தல் மின் உற்பத்தி

புவி வெப்பசக்தி

புவியின் உள்ளே நிலவும் வெப்பத்தைப் பயன்படுத்தி பெற்றுக்கொள்ளக் கூடிய சக்தி புவி வெப்பச்சக்தி ஆகும். நிலத்தின் உள்ளே உள்ள குழம்பின் அதிக வெப்பம் காரணமாக நீர் வெப்பமடைகின்றது. அதனால் உண்டாகும் நீராவியைப் புவி மேற்பரப்புக்கு கொண்டு வருவதன் மூலம் சூழலிகள் சுழற்றப்படுகின்றன. சுழலியின் மூலம் தைனமோவை இயக்கி மின்னை உற்பத்தி செய்து கொள்ளலாம்.

ஓடும் நீரின் சக்தி

நதி நீரைப்பயன்படுத்தி நீர்ச்சக்கரங்கள் சுழலவிடப்பட்டு தானியம் அரைத்தல் நீர் மின்சாரம் பெறுதல்.

அனுகூலம்	பிரதிகூலம்
சூழல் மாசடையாது. இலாபகரமானது.	நீர்த்தேக்கம் அமைக்க அதிக பணம் செலவாகின்றது. செயற்கை நீர்த்தேக்கம் காரணமாக வனவிலங்குகளின் உறைவிடம் இல்லாமல் போகின்றது. எதிர்பார்த்த மழை கிடைக்காதபோது மின் உற்பத்தி பாதிப்படைகின்றது.

உயிர்த்திணிவு

தாவரங்கள், விலங்குகளிலிருந்து பெற்றுக்கொள்ளப்படுகின்றவை உயிர்த்திணிவுகள் எனப்படும். (மீளப்புதுப்பிக்கக் கூடியது. தாவரங்களை பயிரிடுவதன் மூலம் மீண்டும் எரிபொருளை பெற்றுக் கொள்ளலாம்)
உ+ம்:
விறகு
உயிர் வாயு உற்பத்தி

கனிய எண்ணெய்

கனிய எண்ணெய் என்பது ஆதிகாலத்தில் வாழ்ந்த தாவர, விலங்குப் பகுதிகளால் உருவான சுவட்டு எரிபொருளாகும். நிலத்தினுள்ளே பாறைத்தகடுகளுக்கிடையே காணப்படும். உ+ம்:
டீசல்
மண்ணெண்ணெய்
பெற்றோல்

அனுகூலம்	பிரதிகூலம்
இதை இயந்திரங்களில் இலகுவாகப் பயன்படுத்தலாம்.	தகணமாகும் போது வளியை மாசடையச் செய்யும் வாயு வெளியேறும். விநியோகம் வரையறுக்கப்பட்டிருத்தல்.

நிலக்கரி

அதிகாலத்தில் இறந்து போன தாவரங்கள் நிலத்துக்கடியில் மாற்றங்களுக்கு உள்ளாகியதன் காரணமாக நிலக்கரி உருவாக்கப்பட்டுள்ளது. நிலத்தினுள்ளே பாறைத்தகடுகளுக்கிடையே காணப்படும்.

அனுகூலம்	பிரதிகூலம்
தகணமடையும் போது பெருமளவு வெப்பத்தை உண்டாக்கும். இலகுவாகப் பயன்படுத்தலாம்.	தகணமாகும் போது வளியை மாசடையச் செய்யும் வாயு வெளியேறும். விநியோகம் கனிய எண்ணெயை விட அதிகம்.

இயற்கை வாயு

மண்ணுக்கடியில் பாறைகளிடையே காணப்படும் மீதேன் போன்ற வாயுக்கள் இயற்கை வாயுக்கள் எனப்படும்.

அனுகூலம்	பிரதிகூலம்
உணவு சமைக்க குளிர் நாடுகளில் வீடுகளை சூடாக வைத்துக்கொள்ளல்.	வளியை மாசடையச் செய்யும். அளவு மட்டுப்பட்டிருத்தல்.

கருச்சக்தி

சூரியனில் கருத்தாக்கம் மூலமே சக்தி உற்பத்தி நடைபெறுகின்றது. ஒருவகை அணு வேறொரு வகை அணுவாக மாறுகின்றது.

யுரேனியம், புளூட்டோனியம் போன்ற கதிர்த் தொழிற்பாட்டு மூலகங்களைப் பயன்படுத்தி கருச்சக்தி உற்பத்தி செய்யப்படுகின்றது.

மின் உற்பத்தி

அனுகூலம்	பிரதிகூலம்
யுரேனியம், புளூட்டோனியம் போன்ற கதிர்த்தொழிற்பாட்டு மூலகங்களின் சிறிய அளவானது பெருமளவு சக்தியைத் தரும். மூலப்பொருட்களை குறைந்த விலையிற்பெறலாம். வளி மாசைடையாது.	கருச்சக்தி நிலையங்களை அமைப்பதற்கான செலவு மிக அதிகம். கருச்சக்தி நிலையங்களை நடாத்துவதற்கு பெருமளவு பணம் தேவை. வெளியேறும் கழிவுப் பதார்த்தங்கள் நச்சுத்தன்மையானவை. (அவற்றை சூழலுக்கு விடுவிக்காது ஆயிரக்கணக்கான வருடங்களுக்கு களஞ்சியப்படுத்தி வைப்பது அவசியம்) விபத்துக்கள் ஏற்பட்டால் கதிர்த்தாக்கம் காரணமாக ஏற்படும் விளைவுகள் பாரதூரமானவை.

சக்தி முதல்களின் முறையான பாவனை

மீளப்புதுப்பிக்க முடியாத சக்தி முதல்கள் காலம் செல்லும் போது முடிவடைந்து விடும். எனவே அவற்றிலிருந்து அதிக காலத்திற்கு பயன்பெற வேண்டுமானால் (எதிர் காலச் சந்ததியினர் பயன்பெறவேண்டுமானால்) அவற்றை சிக்கனமாகப் பயன்படுத்த வேண்டும்.

• மின் பாவனையை சிக்கனமாக்கல்.
• குறுகிய தூரப்பயணங்களுக்கு துவிச்சக்கரவண்டியைப் பயன்படுத்தல்.
• பொதுப் போக்குவரத்தை மேம்படுத்தல், பயன்படுத்தல்.
• எரிபொருள் வினைத்திறன் வாகனங்கள்/இயந்திரங்களைப் பயன்படுத்தல்.
• மாற்றுசக்தி முதல்களைப் பயன்படுத்தல்.(சூரிய சக்தி)
• சமைப்பதற்குத் தேவையான எரிபொருளை அயற்சூழலில் இருந்து பெற்றுக்கொள்ளல்.

Python Programming with Example in Tamil

தமிழில் Python Programming

நாங்கள் Python Program இல் உள்ள எல்லா techniques குகளையும் எவ்வாறு பயன்படுத்துவது என்று  உதாரணத்துடன் பார்ப்போம்.

இதற்கு நாங்கள் ஒரு வட்டத்தின் ஆரை தரப்பட்டால் எவ்வாறு அதன் பரப்பளவைப் பெறுவது என்ற உதாரணத்தை எடுத்துக்கொள்வோம்

main program ஐ மாத்திரம் பயன்படுத்தல்.

இங்கு PI constant ஆகவும் r  variable ஆகவும் உள்ளது.

PI=22/7
r=int(input("Enter a radius of the Circle? "))
print("Area of the Circle =" , PI*r*r)
r=int(input("Enter a radius of the Circle? "))
print("Area of the Circle =" , PI*r*r)

வெளியீடு
Enter a radius of the Circle? 7
Area of the Circle = 154.0
Enter a radius of the Circle? 14
Area of the Circle = 616.0

இங்கு பரப்பளவைப் பெறுவதற்கு CirlceArea(r) எனும் procedure பயன் படுத்தப்பட்டுள்ளது. இங்கு r parameter ஆகும்.

PI=22/7

def CirlceArea(r):
    print("Area of the Circle =" , PI*r*r)

r=int(input("Enter a radius of the Circle? "))
CirlceArea(r)
r=int(input("Enter a radius of the Circle? "))
CirlceArea(r)

இங்கு பரப்பளவைப் பெறுவதற்கு CirlceArea(r) எனும் function பயன் படுத்தப்பட்டுள்ளது.  r parameter ஆகும். CirlceArea(r) எனும் function பரப்பளவை return ஆக்குகின்றது. அப் பெறுமானம் function ஐப் பயன்படுத்தும் இடத்தில்  கிடைக்கும்.

PI=22/7

def CirlceArea(r):
    return f"Area of the Circle ={PI*r*r}"  

r=int(input("Enter a radius of the Circle? "))
print(CirlceArea(r))
r=int(input("Enter a radius of the Circle? "))
print(CirlceArea(r))

இங்கு MyCircle எனும் class உருவாக்கப்பட்டு அதற்குள் PI எனும் constant உம் GetR(self,rr), CirlceArea(self) எனும் method டுக்களும் பயன்படுத்தப் பட்டுள்ளன. main program இல் C1,C2 எனும் object உருவாக்கப்பட்டு அம் method க்கல் call பண்ணப்பட்டுள்ளது. இங்கு rr parameter ஆகவும் r class varible ஆகவும் உள்ளது.

class MyCircle:
    PI=22/7
    
    def GetR(self,rr):
        self.r=rr
    
    def CirlceArea(self):
        print("Area of the Circle =" , self.PI*(self.r*self.r))

r=int(input("Enter a radius of the Circle? "))
C1=MyCircle()
C1.GetR(r)
r=int(input("Enter a radius of the Circle? "))
C2=MyCircle()
C2.GetR(r)
C1.CirlceArea()
C2.CirlceArea()

MyCircle class க்கு GetR(self,rr) method க்குப் பதிலாக ஒரு constructor பயன்படுத்தப்பட்டுள்ளது. Object  உருவாக்கும் இடத்திலேயே constructor call பண்ணப்படும்..

class MyCircle:
    PI=22/7
    
    def __init__(self,rr):
        self.r=rr
    
    def __str__(self):
        return f"Area of the Circle ={ self.PI*(self.r*self.r)}"

r=int(input("Enter a radius of the Circle? "))
C1=MyCircle(r)
r=int(input("Enter a radius of the Circle? "))
C2=MyCircle(r)
print(C1)
print(C2)

பச்சைவீட்டுவாயுக்கள்

பச்சைவீட்டுவாயுக்கள்(Greenhouse gas)

• சூரியனில் இருந்து பெறப்படும் சக்திக்கும் பூமியினால் மீண்டும் தெறிப்படையச் செய்யும் சக்திக்கும் இடையே சமநிலை காணப்படும்.
• புவிக் கோளத்தில் காணப்படும் சில வாயுக்களால் புவியிலிருந்து தெறிப்படையும் கதிர்களின் ஒரு பகுதி அகத்துறிஞ்சப்படும், மிகுதி தெறிப்படையும்.
• கதிர்களின் ஒரு பகுதியை அகத்துறிஞ்சும் புவிக்கோளத்தில் காணப்படும் வாயுக்கள் காபனீரொட்சைட்டு, நீராவி, மெதேன், ஓசோன், குளோரோபுளோரோ காபன்.
• இவ்வாயுக்களால் அகத்துறிஞ்சப்பட்ட கதிர்கள் மெதுவாக மீண்டும் புவிமேற்பரப்பை நோக்கி விடப்படும்.
• இது புவியின் வெப்பநிலையை பேணவும், உயிர் அங்கிகளுக்கு பொருத்தமான காலநிலையை நிலைநிறுத்தவும் உதவும்.
• இந்நிலை பச்சைவீட்டுவிளைவு எனவும் இதற்கு உதவும் வாயுக்கள் பச்சைவீட்டுவாயுக்கள் எனவும் அழைக்கப்படும்.

பச்சைவீட்டுவாயுக்கள்
காபனீரொட்சைட்டு CO2
நீராவி H2O
மெதேன் CH4
ஓசோன்
குளோரோபுளோரோ காபன் CFC
கந்தகவீரொட்சைட்டு SO2
நைதரசனின் ஓட்சைடுக்கள்

மனித நடவடிக்கைகளால் புவிக்கோளத்திற் காணப்படும் பச்சைவீட்டுவாயுக்களின் அளவு அதிகரிக்கின்றது. இதனால் புவிவெப்பம் அதிகரிக்கின்றது. புவியின் வெப்பநிலை தொடர்ச்சியாக அதிகரித்தல் காரணமாக துருவப் பனிமலைகள் உருகுதல், கடல்மட்டம் உயருதல், காலநிலையில் மாற்றங்கள் (வறட்சி, வெள்ளம்) ஏற்படுகின்றன.

பச்சைவீட்டுவாயுக்கள் உருவாகும் முறைகள்

• காபனீரொட்சைட்டு - சுவட்டு எரிபொருட்கள் தகணமடைதல்
• மெதேன் - குப்பைக் கூழங்கள், இறந்த தாவர விலங்குகளின் பகுதிகள், சேதனப்பதார்த்தங்கள் என்பவற்றின் மீது பற்றீரியா தொழிற்படுதல்
• குளோரோபுளோரோ காபன் - குளிர்சாதனப்பெட்டி, வளிப்பதனமாக்கி, நறுமணமூட்டிகள் ஆகிய உபகரணங்களிலிருந்து வெளியேறும் .
• கந்தகவீரொட்சைட்டு - நிலக்கரியை எரிபொருளாகப் பயன்படுத்தல், பெற்றோலிய எரிபொருட்கள் தகணமடைதல், வல்கனைசுப்படுத்தப்பட்ட இறப்பர் பொருட்களை எரித்தல், அழிவடையும் சேதனப் பொருளின் மீது பற்றீரியா தொழிற்படுதல், எரிமலைகள் வெடித்தல்.
• நைதரசனின் ஓட்சைடுக்கள் - மின்னலின் போது வளிமண்டலத்தில் உள்ள நைதரன் ஓட்சிசனுடன் தாக்கமடைந்து நைதரசனின் ஓட்சைடுக்கள் உருவாதல், சில வாகனங்களில் அகத்தகன இயந்திரங்களில் நைதரசன் ஓட்சிசனுடன் தாக்கமடைந்து நைதரசனின் ஓட்சைடுக்கள் உருவாதல்.

உறவுகள் மேம்பட சில தகவல்கள்

• நானே பெரியவன், நானே சிறந்தவன் என்ற அகந்தையை விடுங்கள்.
• அர்த்தமில்லாமலும், பின்விளைவு அறியாமலும் பேசிக்கொண்டேயிருப்பதை விடுங்கள்.
• எந்த விஷயத்தையும் பிரச்சினையையும் நாசூக்காக கையாளுங்கள், விட்டுக் கொடுங்கள்.
• சில நேரங்களில் சங்கடங்களைச் சகித்துத்தான் ஆகவேண்டும் என்று உணருங்கள்.
• நீங்கள் சொன்னதே சரி, செய்ததே சரி என்று வாதாடாதீர்கள்.
• குறுகிய மனப்பான்மையை விட்டொழியுங்கள்.
• உண்மை எது, பொய் எது என்று விசாரிக்காமல் இங்கே கேட்டதை அங்கே சொல்வதும், அங்கே கேட்டதை இங்கே சொல்வதையும் விடுங்கள்.
• மற்றவர்களை விட உங்களையே எப்போதும் உயர்வாக நினைத்து கர்வப்படாதீர்கள்.
• அளவுக்கதிகமாய், தேவைக்கதிகமாய் ஆசைப்படாதீர்கள்.
• எல்லோரிடத்திலும், எல்லா விஷயங்களையும் அவர்களுக்கு சம்பந்தம் உண்டோ இல்லையோ சொல்லிக் கொண்டு இருக்காதீர்கள்.
• கேள்விப்படுகிற எல்லா விஷயங்களையும் நம்பி விடாதீர்கள்.
• அற்ப விஷயங்களையும் பெரிது படுத்தாதீர்கள் .
• உங்கள் கருத்துக்களில் உடும்புப்பிடியாய் இல்லாமல் கொஞ்சம் தளர்த்திக் கொள்ளுங்கள்.
• மற்றவர் கருத்துகளை, செயல்களை, நடக்கின்ற நிகழ்சிகளைத் தவறாகப் புரிந்து கொள்ளாதீர்கள்.
• மற்றவர்களுக்குரிய மரியாதை காட்டவும், இனிய, இதமான சொற்களைப் பயன்படுத்தவும் தவறாதீர்கள்.
• புன்முறுவல் காட்டவும், சிற்சில அன்புச் சொற்களைச் சொல்லவும் கூட நேரமிலாது போல் நடந்து கொள்ளாதீர்கள்.
• பேச்சிலும், நடத்தையிலும் பண்பில்லாத வார்த்தைகளையும், தேவையில்லாத மிடுக்கையும் காட்டுவதை தவிர்த்து அடக்க்கத்தையும் பண்பையும் காட்டுங்கள்.
• அவ்வப்போது நேரில் சந்தித்து மனம் திறந்து பேசுங்கள்.
• பிரச்சினைகள் ஏற்படும் போது அடுத்தவர் முதலில் இறங்கி வர வேண்டும் என்று காத்திருக்காமல் நீங்களே பேச்சைத் தொடக்க முன் வாருங்கள்.

வேதாத்திரி மகரிசி

சேர்த்தெழுதல் பயிற்சிகள்

சேர்த்தெழுதல்

அடி+சுவடி=அடிச்சுவடி
ஆறு+மலை=ஆற்றுமலை
ஐந்து+ஐந்து=ஐவைந்து
ஐந்து+புலம்=ஐம்புலம்
ஒன்று+ஊர்=ஓரூர்
ஒன்று+ஒன்று=ஒவ்வொன்று
கப்பல்+கூலி=கப்பற்கூலி
கயிறு+கட்டில்=கயிற்றுக்கட்டில்
கருமை+பலகை=கரும்பலகை
கல்+குகை=கற்குகை
கல்+கோயில்=கற்கோயில்
கல்+தூண்=கற்றூண்
காடு+அரசன்=காட்டரசன்
காவி+உடை=காவியுடை
குருவி+கூடு=குருவிக்கூடு
தமிழ்+ சொல்=தமிழ்ச்சொல்
தெங்கு+காய்=தேங்காய்
தெற்கு+ திசை=தென்திசை
தேயிலை+நீர்=தேநீர்
தேன்+குழல்=தேங்குழல்
தேன்+நீர்=தேனீர்
தேன்+மொழி=தேன்மொழி
நன்மை+செய்தி=நற்செய்தி
நான்கு+நூறு=நானூறு
நெல் + வயல் =நெல்வயல்
பச்சை+இலை=பச்சிலை
பல்+ பொடி= பற்பொடி
பனை+காய்=பனங்காய்
புது+பானை=புதுப்பானை
பூ+கொடி=பூங்கொடி
பொன்+தகடு=பொற்றகடு
மண்+கலம்=மட்கலம்
மண்+குடம்=மட்குடம்
மரம்+ வேர்=மரவேர்
மரம்+கொம்பு=மரக்கொம்பு
மலர்+ செண்டு=மலர்ச்செண்டு
மலை+அரசன்=மலையரசன்
மலை+உச்சி = மலையுச்சி
மனம்+மாற்றம்=மனமாற்றம்
முள்+செடி=முட்செடி
முன்பு+நூறு=முன்னூறு
மூன்று+நூறு=முந்நூறு
மூன்று+மூன்று=மும்மூன்று
வடக்கு+மேற்கு=வடமேற்கு
வான்+ஒலி=வானொலி
வெண்டி+செடி = வெண்டிச்செடி
வெம்மை+நீர்=வெந்நீர்

ஆடிப் பிறப்பிற்கு நாளை விடுதலை

ஆடிப்பிறப்பு

ஆடிப் பிறப்பிற்கு நாளை விடுதலை
ஆனந்தம் ஆனந்தம் தோழர்களே!
கூடிப் பனங்கட்டிக் கூழுங் குடிக்கலாம்
கொழுக்கட்டை தின்னலாம் தோழர்களே!

பாசிப்பயறு வறுத்துக் குற்றிச் செந்நெற்
பச்சையரிசி இடித்துத் தெள்ளி
வாசப் பருப்பை அவித்துக் கொண்டுநல்ல
மாவைப் பதமாய் வறுத்தெடுத்து

வேண்டிய தேங்காய் உடைத்துத் துருவியே
வேலூரிற் சர்க்கரை யுங்கலந்து
தோண்டியில் நீர்விட்டு மாவை யதிற்கொட்டிச்
சுற்றிக் குழைத்துத் திரட்டிக்கொண்டு

வில்லை வில்லையாக மாவைக் கிள்ளித்தட்டி
வெல்லக் கலவையை உள்ளேயிட்டுப்
பல்லுக் கொழுக்கட்டை அம்மா அவிப்பாளே
பார்க்கப் பார்க்கப்பசி தீர்ந்திடுமே.

பூவைத் துருவிப் பிழிந்து பனங்கட்டி
போட்டுமா வுருண்டை பயறுமிட்டு
மாவைக் கரைத்தம்மா வார்த்துத் துழாவுவள்
மணக்க மணக்கவா யூறிடுமே.

குங்குமப் பொட்டிட்டுப் பூமாலை சூடியே
குத்துவிளக்குக் கொளுத்தி வைத்து
அங்கிள நீர்பழம் பாக்குடன் வெற்றிலை
ஆடிப் படைப்பும் படைப்போமே.

வன்னிப் பலாவிலை ஓடிப் பொறுக்கியே
வந்து மடித்ததைத் கோலிக்கொண்டே
அன்னை அகப்பையால் அள்ளி அள்ளிவார்க்க
ஆடிப் புதுக்கூழ் குடிப்போமே.

வாழைப் பழத்தை உரித்துத் தின்போம் நல்ல
மாவின் பழத்தை அறுத்துத்தின்போம்
கூழைச் சுடச்சுட ஊதிக் குடித்துக்
கொழுக்கட்டை தன்னைக் கடிப்போமே.

ஆடிப் பிறப்பிற்கு நாளை விடுதலை
ஆனந்தம் ஆனந்தம் தோழர்களே!
கூடிப் பனங்கட்டிக் கூழுங் குடிக்கலாம்
கொழுக்கட்டை தின்னலாம் தோழர்களே!

-நவாலியூர் சோமசுந்தரப்புலவர்

தாவரப் பல்வகைமை

தாவரப் பல்வகைமை

எமது அயற்சூழலில் பல்வேறு வகையான தாவரங்களைக் காணலாம். அவற்றில் பல பூக்களைத் தோற்றுவிக்கின்றன. சில தாவரங்கள் பூக்களைத் தோற்றுவிப்பதில்லை.

பூக்களைத் தோற்றுவிப்பவை	பூக்களைத் தோற்றுவிக்காதவை
ரோஜா, நந்தியாவட்டை, அல்லி, தாமரை, செவ்வரத்தை, அலரி, தென்னை, பனை, மல்லிகை, நாகலிங்கம்	சைப்பிரஸ், மடுப்பனை, பன்னம், மார்காந்தியா, நேபிரோலேபிசு

பூக்கும் தாவரங்களின் பிரதான பகுதிகள்

பெரும்பாலான பூக்கும் தாவரங்களின் பகுதிகளாக தண்டுகள், இலைகள், வேர்கள், அரும்புகள், பூக்கள், காய்கள் என்பன காணப்படுகின்றன. பூக்கும் தாவரங்களின் சிறப்பியல்பாக அமைவது பூக்களைத் தோற்றுவிப்பதாகும்.

எனினும் தாவரங்களின் பகுதிகளிடையே பல்வகைமை காணப்படுகின்றது.

வேர்களிடையான பல்வகைமை

பொதுவாக வேர்த்தொகுதி மண்ணினுள் காணப்படும். சில தாவரங்களில் தண்டின் அடிப்பகுதியிலிருந்து தனித்த பெரிய வேர் காணப்படும். இது ஆணி வேர் எனப்படும். ஆணிவேரிலிருந்து உருவாகும் கிளை வேர்கள் பக்க வேர்கள் எனப்படும். இவ்வாறான வேர்களைக் கொண்ட தொகுதி ஆணிவேர்த் தொகுதி எனப்படும்.

சில தாவரகளில் தண்டின் அடிப்பகுதியிலிருந்து ஒரே பருமனைக் கொண்ட அநேக வேர்கள் காணப்படும். இவ்வாறான வேர்த்தொகுதி நாருருவேர்த்தொகுதி எனப்படும்.

வேர்களின் பிரதான தொழில்

• தாவரத்தை மண்ணுடன் பதித்தல்
• நீரையும் நீரில் கரைந்துள்ள கனியுப்புக்களையும் அகத்துறிஞ்சல்
• சில தாவரங்களில் பதியமுறை இனப்பெருக்கத்துக்கு உதவுதல் (வேரின் மூலம் இனப்பெருக்கம்: கறிவேப்பிலை, வில்வம், ஈரப்பலா)
• சில தாவரங்களின்(அவரையினத் தாவரங்களான அகத்தி, பயற்றை, போஞ்சி) வேர்களில் வேர்ச் சிறுகணுக்கள் காணப்படும். இச் சிறுகணுக்களில் வாழும் பற்றீயாக்கள் வழியில் உள்ள நைதரசனை பதிக்கின்றன. வேர்தொகுதி இப்பற்றீயாக்களுக்குத் தேவையான போசணையை வழங்குகின்றது.
• சில தாவரங்கள் வேர்களில் உணவைச் சேமிக்கின்றன. இவ்வேர்கள் சேமிப்பு என அழைக்கப்படும். பொதுவாக இவை கிழங்குகள் என அழைக்கப்படும். (உ+ம்: மரவள்ளி, முள்ளங்கி, கரட், வற்றாளை)

பொதுவாக வேர்கள் மண்ணினுள் வளர்கின்றன. ஆனால் மண்ணின் மேல் உருவாகும் வேர்கள் உள்ள தாவரங்களும் உள்ளன. அவை ஒவ்வொரு வகையான  தாவரத்திற்கும் ஒவ்வொரு வழிகளில் உதவுகின்றன.

வேரின் வகைகள்	உதாரணம்	தொழில்கள்
தாங்கும் வேர்கள்	ஆலமரம்	தாவரக் கிளைகளைத் தங்குதல்
மிண்டி வேர்கள்	தாழை, ரம்பை, றைசோபோரா	தண்டுக்கு மேலதிக ஆதாரம் வழங்கல்
காற்றுக்குரிய வேர்கள்	ஓர்கிட்	வளியிலுள்ள நீராவியை உறிஞ்சல், சில ஒளித்தொகுப்பு செய்தல்
ஏறும் வேர்கள்	வெற்றிலை, மிளகு, போத்தஸ்	தண்டுகள் மேல்நோக்கி வளர ஆதாரத்துடன் ஓட்டல்
மூச்சு வேர்கள் (சுவாச வேர்கள்)	அவிசீனியா, கிண்ணை	வளிமண்டலத்துடன் வாயுப்பரிமாற்றம் நடைபெற உதவுதல்
உணவுச் சேமிப்பு வேர்கள்	கரட், பீட்ரூட், மரவள்ளி, வற்றாளை	உணவைச் சேமித்தல்
வேர்ச் சிறு கணுக்கள் கொண்ட வேர்கள்	அவரைக் குடும்பம் பயற்றை, போஞ்சி, சிறகவரை, தொட்டாற் சிணுங்கி	மண்ணுக்கு நைதரசன் வழங்கல்

தண்டுகளின் பல்வகைமை

சில தாவரங்கள் வலுவான தண்டுகளையும் (மரங்கள்), சில தாவரங்கள் நலிந்த தண்டுகளையும் (கொடிகள்) கொண்டுள்ளன. சில தாவரங்கள் கிளைகள் கொண்ட தண்டுகளையும், சில தாவரங்கள் கிளைகளற்ற தண்டுகளையும் கொண்டுள்ளன.

கிளைகள் உள்ளவை	கிளைகள் அற்றவை
மா, பலா, கொய்யா, செவ்வரத்தை, ரோசா	தென்னை, கமுகு, கித்துள், பனை, மூங்கில், நெல்

தண்டுகளின் தொழில்கள்

• தாவரத்தின் பகுதிகளைத் தாங்குதல்
• வேர்களினால் உறிஞ்ச்சப்படும் நீரையும், கனியுப்புக்களையும் தாவரத்தின் ஏனைய பகுதிகளுக்கு வழங்கல்
• இலைகளில் தொகுக்கப்படும் உணவை தாவரத்தின் ஏனைய பகுதிகளுக்கு வழங்கல்
• சில தாவரங்களில் தண்டுகள் இனபெருக்கம் செய்ய உதவுகின்றது(பதியமுறை இனப்பெருக்கம்) உ+ம்: செவ்வரத்தை, சாதிமல்லிகை, வற்றாளை, மரவள்ளி, ரோசா, குரோட்டன்
• சில தாவரங்களில் பச்சை நிறத்தண்டுகள் ஒளித்தொகுப்பு செய்ய உதவுகின்றது. உ+ம்: கள்ளி, பிரண்டை, உலவை, சாத்தாவாரி
• சில தாவரத் தண்டுகளில் உணவு சேமிக்கப்படுகின்றது.
  உ+ம்: கரும்பு, கித்துள்

பொதுவாகத் தாவரங்களில் தண்டுகள் நிலத்துக்கு மேலே காணப்படும். ஆனால் சில தாவரங்களில் நிலத்துக்குக் கீழாகவும் தண்டுகள் காணப்படுகின்றன. இவை நிலக்கீழ்த் தண்டுகள் எனப்படும்.

உ+ம்: இஞ்சி, சேம்பு, லீக்ஸ், வெங்காயம், உருளைக்கிழங்கு, மஞ்சள்

தண்டுகளின் பல்வகைமை Video