Montessori கல்வி முறை தோற்றமும் உலகளாவிய வெற்றியும்

மொண்டிசோரி முறையின் தோற்றம்

மரியா மொண்டிசோரி (1870–1952) இவர் இத்தாலியின் முதல் பெண் மருத்துவர், psychiatry, anthropology, மற்றும் கல்வி ஆகிய துறைகளில் சிறந்து விளங்கியவர். இவர் ஆரம்பக் காலங்களில் குழந்தைகள் எவ்வாறு கற்றுக்கொள்கிறார்கள் என்பதைப் பற்றி ஆராய்ச்சிகள் செய்யத்தொடங்கினார்.

இவரது முதலாவது வேலை (1890 – 1907):

இவர் முதலில் மனநிலைப் பிரச்சனையுள்ள குழந்தைகளுடன் பணியாற்ற தொடங்கினார். இவர் பணியாற்றும் போது அறிவியல் அடிப்படையிலான கண்காணிப்பை பயன்படுத்தி, அந்தக் குழந்தைகளின் தேவைகளுக்கு ஏற்ப கல்விப் பொருட்களை உருவாக்கினார். இந்தக் குழந்தைகள் சிறப்பான முன்னேற்றம் கண்டதன் விளைவாக, சாதாரண வளர்ச்சியுள்ள குழந்தைகளுக்கும் இதே முறையைப் பயன்படுத்தலாம் என அவர் நம்பத் தொடங்கினார்.

முதல் மொண்டிசோரி பள்ளி: Casa dei Bambini (1907)

ரோமில் ஆரம்பம்: ஜனவரி 6, 1907 ரோமில் உள்ள சான் லோரென்ஸோ(San Lorenzo) என்னும் ஏழ்மை பகுதிக்குள் ஒரு குழந்தைகளுக்கான பராமரிப்பு மையத்தை திறக்க மொண்டிசோரி அழைக்கப்பட்டார். அந்த மையம் Casa dei Bambini (“குழந்தைகளின் வீடு”) என பெயரிடப்பட்டது.

இங்கு இவர் பயன்படுத்திய கல்வி முறைகள் (educational philosophy)

• குழந்தைகளின் அளவுக்கு ஏற்ற கருவிகள்
• கையில் தொடும் வகையிலான கற்றல் பொருட்கள்
• தானாக இயங்கும் செயல்பாடுகள்
• இடையீடு இல்லாத கற்றல் நேரங்கள்
• கலந்த வயது வகுப்புகள் (Mixed-age classrooms) (சாதாரணமாக 3 வருட வித்தியாசம்)

இந்த Casa dei Bambini-யின் வெற்றி உலகளாவிய கவனத்தை ஈர்த்தது. இது மொண்டிசோரி முறையின் அதிகாரபூர்வ ஆரம்பத்துக்கு அடிக்கோல் இட்டது.

Montessori Method இன் விரிவாக்கமும் அதன் உலகளாவிய தாக்கமும் (1910கள் – 1930கள்)

• 1910கள் – 1920கள்:
  மொண்டிசோரி முறை ஐரோப்பா, இந்தியா மற்றும் அமெரிக்காவிற்குள் விரைவாக பரவியது.
  மொண்டிசோரி உலகம் முழுவதும் பயணித்து சொற்பொழிவுகள் வழங்கினார்.
  அவர் எழுதிய The Montessori Method (1912) புத்தகம் பல மொழிகளில் மொழிபெயர்க்கப்பட்டு, பெரும் தாக்கத்தை ஏற்படுத்தியது.
  பல பயிற்சி மையங்கள் Montessori Method பயிற்சிக்காக நிறுவப்பட்டன.
  
• அமெரிக்காவில் விமர்சனமும் பின்னடைவும் (1910 – 1930கள்):
  ஆனால் அமெரிக்காவில் இதன் வளர்ச்சி சில காரணங்களால் பின்வாங்கியது.
  பாரம்பரியக் கல்வி முறையாளர்களின் எதிர்ப்பு
  முக்கியமான கல்வியாளர்களின் விமர்சனங்கள் (எ.கா., William Heard Kilpatrick, a follower of John Dewey))
  மொண்டிசோரி தத்துவத்தைப் பற்றிய தவறான புரிதல்கள்
  

Montessori இந்தியாவில் பணியாற்றல் (1939 – 1946)

இரண்டாம் உலகப் போர் காலத்தில் அவர் இந்தியாவில் பயிற்சி அளிக்க மகனுடன் வந்திருந்தார், போர் காரணமாக மொண்டிசோரி இந்தியாவில் இருந்து வெளியேற முடியவில்லை. அதனால் அவரும் அவரது மகன் மாரியோ மொண்டிசோரியும், இந்தியாவில் தங்கினர். அக்காலத்தில் Cosmic Education எனப்படும் ஒரு புதிய கல்விமுறையைக் கண்டுபிடித்தனர் — இது அனைத்துப் பொருட்களும் ஒருங்கிணைந்துள்ளன என்ற கருத்தில் மையம் கொண்டது, குறிப்பாக 6–12 வயதுள்ள குழந்தைகளுக்காக உருவாக்கப்பட்டது. நூற்றுக்கணக்கான ஆசிரியர்களுக்குப் பயிற்சி அளித்தார் அத்தோடு தன் கல்வி முறையை மேலும் மேம்படுத்தினார்.

மறுவளர்ச்சி (1946 – 1970கள்)

போர் முடிந்தபின், மொண்டிசோரி கல்வி முறை ஐரோப்பாவிலும் அமெரிக்காவிலும் மீண்டும் அதிக கவனம் பெற்றது,

Association Montessori Internationale (AMI) எனும் அமைப்பை 1929ல் மொண்டிசோரி உருவாக்கினார். இந்த அமைப்பு அவரது கல்வி முறைமையின் தூய்மையைப் பாதுகாத்து, உலகளாவிய பரவலுக்கு ஆதரவு அளித்தது.

1950கள் மற்றும் 1960களில் அமெரிக்காவில் மீண்டும் ஒரு எழுச்சி:

• பாரம்பரியக் கல்வியை நோக்கி வளர்ந்த அதிருப்தி
• மொண்டிசோரி வளர்ச்சி குறித்த பாதிப்புகள்
• பெற்றோர்களிடத்தும் ஆசிரியர்களிடத்தும் மேலிருந்து இருந்து வந்த முயற்சிகள்

நவீன வளர்ச்சி (1980கள் – இன்று வரை)

இன்று 140க்கும் மேற்பட்ட நாடுகளில் ஆயிரக்கணக்கான மொண்டிசோரி பள்ளிகள் இயங்குகின்றன.

பல்வேறு பயன்பாடுகள்:

• குழந்தைப் பருவம் (0–6 வயது) மிகவும் பரவலாக உள்ளது.
• இப்போது பச்சிளம், தொடக்க, நடுத்தர மற்றும் மேல்நிலை பள்ளி மாணவர்களுக்கான திட்டங்களும் சேர்ந்து உள்ளன.
• சில அரசுப் பள்ளிகளும் மொண்டிசோரி முறையை தங்களின் பாடத்திட்டத்தில் இணைத்துள்ளன,
• அமெரிக்காவில் அறிவியல் ஆதரவு வளர்ச்சி, உளவியல் மற்றும் நரம்பியல் விஞ்ஞானங்களில் நடக்கும் ஆய்வுகள் மொண்டிசோரி முறையின் முக்கிய அம்சங்களை ஆதரிக்கின்றன. அக்காரணங்களுள் சில:
  கற்றுணர்வின் உணர்திறன் மிக்க காலங்கள் (Sensitive periods of learning)
  உடல் இயக்கம் அறிவுசார் வளர்ச்சி மற்றும் அறிவாற்றல் செயல்பாடு (Importance of movement in cognition)
  உள்ளார்ந்த உந்துதல் (Intrinsic motivation)
  

மொண்டிசோரி முறையின் முக்கிய அம்சங்கள்

• தயார் செய்யப்பட்ட சூழல் (Prepared Environment): தாங்களாக கற்றுக்கொள்ளும் வகையில் வகுப்பறைகள் அமைக்கப்படுகின்றன.
• தானாகக் கற்றல் (Auto-Education): சரியான சூழலில் குழந்தைகள் தாங்களே கற்றுக்கொள்ளக்கூடியவர்கள் என்ற நம்பிக்கை.
• மொண்டிசோரி கற்றல் பொருட்கள் (Montessori Materials): ஒவ்வொரு வளர்ச்சி கட்டத்திற்கும் ஏற்ற, சிறப்பு உபகரணங்கள்.
• ஆசிரியரின் பங்கு(Teachers Role): ஆசிரியர் ஒரு வழிகாட்டி அல்லது ஊக்குவிப்பவர்.
• வரம்புகளுக்குள் விடுதலை (Freedom within Limits): கட்டமைக்கப்பட்ட கட்டமைப்புக்குள் குழந்தைகள் தாங்களாக செயல்களை தேர்ந்தெடுக்கின்றனர்.

இலங்கையில் உள்ள மாகாணங்கள் மாவட்டங்கள்

இலங்கையில் உள்ள மாகாணங்கள் மாவட்டங்கள்

இலங்கை ஒன்பது மாகாணங்களாகப் பிரிக்கப்பட்டு, ஒவ்வொரு மாகாணங்களும் பல மாவட்டங்களாகப் பிரிக்கப்பட்டுள்ளது. அவை கீழே தரப்பட்டுள்ளன.

மாகாணங்கள் Province	மாவட்டங்கள் District
வட மாகாணம் Nothern Province	யாழ்ப்பானம் கிளிநொச்சி வவுனியா மன்னார் முல்லைத்தீவு
வட மத்திய மாகாணம் North Central Province	அநுராதபுரம் பொலநறுவை
வட மேல் மாகாணம் North Western Province	குருநாகல் புத்தளம்
மத்திய மாகாணம் Central Province	கண்டி நுவரெலியா மாத்தறை
மேல் மாகாணம் Western Province	கொழும்பு கம்பஹா களுத்தறை
கிழக்கு மாகாணம் Eastern Province	திருகோணமலை மட்டக்களப்பு அம்பாறை
தென் மாகாணம் Southern Province	காலி மாத்தறை அம்பாந்தோட்டை
ஊவா மாகாணம் Uva Province	பதுளை மொனராகலை
சப்பிரகமுவ மாகாணம் Sabragamuva Province	இரத்தினபுரி கேகாலை

மலை நாடு கட்டுரை காணொளிகள் படங்கள்

மலை நாடு

இயற்கை பல அழகான படைப்புக்களை தன்னகத்தே கொன்டுள்ளது. அதில் தலை சிறந்தது மலை நாடாகும். மலைகளும் அதனுடன் காணப்படும் பள்ளத்தாகுகள், நீர் வீழ்ச்சிகள், ஆறுகள், உயந்த மரங்களைக் கொண்ட காடுகள், அக்காடுகளை புகலிடமாகக் கொண்ட விலங்குகள் பறவைகள் என்பன அதன் அழகை மேலும் அதிகரிக்கின்றன. எங்கு பார்த்தாலும் பச்சைப் பசேல் என்று காணப்படும் தாவரங்கள் அவற்றின் இடையே இடையே காணப்படும் பல வர்ண பூக்கள் கண்களுக்கும்; அப் பூக்களில் இருந்து வரும் நர்மணங்கள் மூக்குகளுக்கும்; அங்கு வீசும் குளிர் காற்று எமது தோல்களுக்கும்; ஆறுகள் ஓடும் ஓசை, பறவைகளின் இசை, நீர்வீழ்ச்சிகள் விழும் சத்தம் காதுகளுக்கும் விருந்தளித்து எம்மை பரவசமாக்கின்றன. சூரிய உதயத்தின் போதும், சூரிய அஸ்தமனத்தின் போதும் அங்கே தோன்றும் காட்சிகளை வர்ணிக்க வார்த்தைகளே இல்லை.

இயற்கையின் மிகச் சிறந்த படைப்பான மலைகள் அழகை மட்டுமல்ல மனிதர்களுக்கும், சுற்றுச் சூழலுக்கும் பல நன்மைகளை அளிக்கின்றன. ஆறுகள் மலைகளிலேயே தோற்றம் பெற்று தாழ் நிலங்களை நோக்கி பாய்ந்து வந்து பல உயிர்களுக்கு நீரை வழங்குகின்றன. மலைகளிலேயே தேயிலை, இறப்பர், கரட், லீக்ஸ், கோலிபிளவர், போஞ்சி, ஸ்ரோபெரி, கோப்பி போன்ற பயிர்கள் அதிகம் வளர்கின்றன.

மலையையும் மலை சார்ந்த இடத்தையும் குறுஞ்சி என்று அழைப்பர்.

மலையும் ஆறும்

மலை நாட்டில் நகரம்

நீர்வீழ்ச்சி

சூரிய வணக்கப் பாடல்

சூரிய வணக்கப் பாடல்

ஆயிரம் கரங்கள் நீட்டி
அணைக்கின்ற தாயே போற்றி!
அருள் பொங்கும் முகத்தைக் காட்டி
இருள் நீக்கம் தந்தாய் போற்றி!

தாயினும் பரிந்து சாலச்
சகலரை அணைப்பாய் போற்றி!
தழைக்கும் ஓர்உயிர்கட் கெல்லாம்
துணைக்கரம் கொடுப்பாய் போற்றி!

தூயவர் இதயம் போல
துலங்கிடும் ஒளியே போற்றி!
தூரத்தே நெருப்பை வைத்துச்
சாரத்தைத் தருவாய் போற்றி!

ஞாயிறே! நலமே வாழ்க
நாயகன் வடிவே போற்றி!
நானிலம் உளநாள் மட்டும்
போற்றுவோம் போற்றி! போற்றி!

-கவிஞர் கண்ணதாசன்

மடக்கை விதிகளும் பயிற்சிகளும்

மடக்கை(Logarithm)

• If a^x=N then log_aN=x
  
  Examples:
  10¹=10 => log₁₀10=1
  3¹=3 => log₃3=1
  2¹=2 => log₂2=1
  
  In General
  a¹=a => log_aa=1
  
  

• If a^x=N then log_aN=x
  
  Examples:
  10⁰=1 => log₁₀1=0
  3⁰=1 => log₃1=0
  2⁰=1 => log₂1=0
  
  In General
  a⁰=1 => log_a1=0

• If log_aN=x then a^x=N
  
  Examples:
  Log₁₀10=1 => 10¹=10
  Log₃3=1 => 3¹=3
  Log₂2=1 => 2¹=2
  
  In General
  Log_aa=1 => a¹=a
  
  If log_aN=x then a^x=N
  
  Examples:
  Log₁₀1=0 => 10⁰=1
  Log₃1=0 => 3⁰=1
  Log₂1=0 => 2⁰=1
  
  In General
  Log_a1=0 => a⁰=1
  

  
  

மடக்கை விதிகள்(Laws 0f Logarithm)

• log_a(mn) = log_am + log_an
  
  Examples:
  log₁₀(10x100) = log₁₀10 + log₁₀100
  
  log₅(125x25) = log₅125 + log₅25
  
  
  

• log_a(m/n) = log_am - log_an
  
  Examples:
  Log₁₀(100/10) = log₁₀100 - log₁₀10
  
  Log₅(125/25) = log₅125 - log₅25
  
  

• log_am^r = r log_am
  
  Examples:
  Log₁₀10⁴ = 4 log₁₀10
  
  Log₅125⁵= 5 log₅125
  

பயிற்சிகள்(Exercises)

• log₁₀1000
  =log₁₀10³
  = 3 log₁₀10
  = 3 x 1 (log₁₀10=1)
  =3
  
  

• log₁₀25 + log₁₀8 - log₁₀2
  =log₁₀(25 x 8 / 2)
  =log₁₀(100)
  =log₁₀10²
  =2 log₁₀10
  =2 x 1
  =2
  
  

• 2 log₁₀8 + 2 log₁₀5 = log₁₀4³ + log₁₀x
  log₁₀x = 2 log₁₀8 + 2 log₁₀5 - log₁₀4³
  = log₁₀8² + log₁₀5² - log₁₀4³
  =log₁₀(8² x 5²/4³)
  log₁₀x = log₁₀(25)
  x=25
  
  

• log₂4 + log₂8
  =log₂(4 x 8)
  =log₂(32)
  =log₂2⁵
  =5 x 1
  =5
  
  

• log₅20 + log₅4 – log₅16
  =log₅(20 x 4 / 16)
  =log₅(5)
  =1
  
  

• log₁₀200 + log₁₀300 – log₅60
  =log₁₀(200 x 300 / 60)
  =log₁₀(1000)
  =log₁₀(10³)
  =3 log₁₀10
  =3
  
  

• log₁₀x - log₁₀2 = log₁₀3 – log₁₀4 + 1
  log₁₀x =log₁₀2 + log₁₀3 – log₁₀4 + log₁₀10
  =log₁₀(2 x 3 x 10 /4)
  log₁₀x =log₁₀(15)
  x = 15
  

சக்தி முதல்கள் விஞ்ஞானம் பொது அறிவு

சக்தி முதல்கள்

எம்மால் செய்யப்படும் பல்வேறு செயற்பாடுகளுக்கு சக்தி தேவைப்படுகின்றது. எமக்குத் தேவையான சக்தியை சக்தி முதல்களிருந்து பெற்றுக்கொள்கின்றோம்.

செயற்பாடு	சக்திமுதல்
உணவு சமைத்தல்	விறகு, மின், L.P.வாயு
போக்குவரத்து	பெற்றோல், டீசல்
ஆடைகளை உலர்த்தல்	சூரியன்
இலத்திரனியல் உபகரணங்கள்	மின்
தொழிற்சாலை இயந்திரங்கள் இயங்குதல்	மின்

சக்தி முதல்களை இரண்டு வகையாகப் பிரிக்கலாம்.

மீளப்புதுப்பிக்கக்கூடிய சக்தி முதல்கள்	மீளப்புதுப்பிக்க முடியாத சக்தி முதல்கள்
ஓடும் நீரின் சக்தி சூரிய சக்தி உயிர்த்திணிவு புவிவெப்ப சக்தி காற்று சக்தி	கனிய எண்ணெய் கற்கரி இயற்கைவாயு அணுக்கருச்சக்தி

பயன்படுத்தும் போது அல்லது குறிகிய காலத்தில் மீண்டும் உருவாக்கக்கூடிய சக்தி முதல்கள் மீளப்புதுப்பிக்கக்கூடிய சக்தி முதல்கள் எனப்படும்.

ஒரு தடவை பயன்படுத்தும் போது மீண்டும் உருவாகாத அல்லது மீண்டும் உருவாக நீண்ட காலத்தை எடுக்கும் சக்தி முதல்கள் மீளப்புதுப்பிக்க முடியாத சக்தி முதல்கள் எனப்படும்.

சூரியசக்தி

அனுகூலம்	பிரதிகூலம்
மீளப்புதுப்பிக்கக்கூடியது. சுற்றாடலை மாசடையச் செய்யாதது. இலாபகரமானது	சூரியப்படல் விலை கூடியது. மழைமேகம் உள்ள நாட்களில் சூரியப்படலின் வினைத்திறன் குறையும். சூரியப்படலில் இருந்து பெற்றுக்கொள்ளப்படும் மின் சக்தியை மின் கலங்களில் சேமிக்கலாம். எனினும் கலங்களில் அதிக அளவு மின் சக்தியை களஞ்சியப்படுத்த முடியாது. (செயலிழந்த கலங்களை சூழல் மாசடையாமல் முறையாக அகற்ற வேண்டும்)

காற்று

நெல்லைத் தூய்மைப்படுத்தல் காற்றாலைகளினால் தானியங்களை அரைத்தல் பாய்க்கப்பலில் பயணம் செய்தல் மின் உற்பத்தி

புவி வெப்பசக்தி

புவியின் உள்ளே நிலவும் வெப்பத்தைப் பயன்படுத்தி பெற்றுக்கொள்ளக் கூடிய சக்தி புவி வெப்பச்சக்தி ஆகும். நிலத்தின் உள்ளே உள்ள குழம்பின் அதிக வெப்பம் காரணமாக நீர் வெப்பமடைகின்றது. அதனால் உண்டாகும் நீராவியைப் புவி மேற்பரப்புக்கு கொண்டு வருவதன் மூலம் சூழலிகள் சுழற்றப்படுகின்றன. சுழலியின் மூலம் தைனமோவை இயக்கி மின்னை உற்பத்தி செய்து கொள்ளலாம்.

ஓடும் நீரின் சக்தி

நதி நீரைப்பயன்படுத்தி நீர்ச்சக்கரங்கள் சுழலவிடப்பட்டு தானியம் அரைத்தல் நீர் மின்சாரம் பெறுதல்.

அனுகூலம்	பிரதிகூலம்
சூழல் மாசடையாது. இலாபகரமானது.	நீர்த்தேக்கம் அமைக்க அதிக பணம் செலவாகின்றது. செயற்கை நீர்த்தேக்கம் காரணமாக வனவிலங்குகளின் உறைவிடம் இல்லாமல் போகின்றது. எதிர்பார்த்த மழை கிடைக்காதபோது மின் உற்பத்தி பாதிப்படைகின்றது.

உயிர்த்திணிவு

தாவரங்கள், விலங்குகளிலிருந்து பெற்றுக்கொள்ளப்படுகின்றவை உயிர்த்திணிவுகள் எனப்படும். (மீளப்புதுப்பிக்கக் கூடியது. தாவரங்களை பயிரிடுவதன் மூலம் மீண்டும் எரிபொருளை பெற்றுக் கொள்ளலாம்)
உ+ம்:
விறகு
உயிர் வாயு உற்பத்தி

கனிய எண்ணெய்

கனிய எண்ணெய் என்பது ஆதிகாலத்தில் வாழ்ந்த தாவர, விலங்குப் பகுதிகளால் உருவான சுவட்டு எரிபொருளாகும். நிலத்தினுள்ளே பாறைத்தகடுகளுக்கிடையே காணப்படும். உ+ம்:
டீசல்
மண்ணெண்ணெய்
பெற்றோல்

அனுகூலம்	பிரதிகூலம்
இதை இயந்திரங்களில் இலகுவாகப் பயன்படுத்தலாம்.	தகணமாகும் போது வளியை மாசடையச் செய்யும் வாயு வெளியேறும். விநியோகம் வரையறுக்கப்பட்டிருத்தல்.

நிலக்கரி

அதிகாலத்தில் இறந்து போன தாவரங்கள் நிலத்துக்கடியில் மாற்றங்களுக்கு உள்ளாகியதன் காரணமாக நிலக்கரி உருவாக்கப்பட்டுள்ளது. நிலத்தினுள்ளே பாறைத்தகடுகளுக்கிடையே காணப்படும்.

அனுகூலம்	பிரதிகூலம்
தகணமடையும் போது பெருமளவு வெப்பத்தை உண்டாக்கும். இலகுவாகப் பயன்படுத்தலாம்.	தகணமாகும் போது வளியை மாசடையச் செய்யும் வாயு வெளியேறும். விநியோகம் கனிய எண்ணெயை விட அதிகம்.

இயற்கை வாயு

மண்ணுக்கடியில் பாறைகளிடையே காணப்படும் மீதேன் போன்ற வாயுக்கள் இயற்கை வாயுக்கள் எனப்படும்.

அனுகூலம்	பிரதிகூலம்
உணவு சமைக்க குளிர் நாடுகளில் வீடுகளை சூடாக வைத்துக்கொள்ளல்.	வளியை மாசடையச் செய்யும். அளவு மட்டுப்பட்டிருத்தல்.

கருச்சக்தி

சூரியனில் கருத்தாக்கம் மூலமே சக்தி உற்பத்தி நடைபெறுகின்றது. ஒருவகை அணு வேறொரு வகை அணுவாக மாறுகின்றது.

யுரேனியம், புளூட்டோனியம் போன்ற கதிர்த் தொழிற்பாட்டு மூலகங்களைப் பயன்படுத்தி கருச்சக்தி உற்பத்தி செய்யப்படுகின்றது.

மின் உற்பத்தி

அனுகூலம்	பிரதிகூலம்
யுரேனியம், புளூட்டோனியம் போன்ற கதிர்த்தொழிற்பாட்டு மூலகங்களின் சிறிய அளவானது பெருமளவு சக்தியைத் தரும். மூலப்பொருட்களை குறைந்த விலையிற்பெறலாம். வளி மாசைடையாது.	கருச்சக்தி நிலையங்களை அமைப்பதற்கான செலவு மிக அதிகம். கருச்சக்தி நிலையங்களை நடாத்துவதற்கு பெருமளவு பணம் தேவை. வெளியேறும் கழிவுப் பதார்த்தங்கள் நச்சுத்தன்மையானவை. (அவற்றை சூழலுக்கு விடுவிக்காது ஆயிரக்கணக்கான வருடங்களுக்கு களஞ்சியப்படுத்தி வைப்பது அவசியம்) விபத்துக்கள் ஏற்பட்டால் கதிர்த்தாக்கம் காரணமாக ஏற்படும் விளைவுகள் பாரதூரமானவை.

சக்தி முதல்களின் முறையான பாவனை

மீளப்புதுப்பிக்க முடியாத சக்தி முதல்கள் காலம் செல்லும் போது முடிவடைந்து விடும். எனவே அவற்றிலிருந்து அதிக காலத்திற்கு பயன்பெற வேண்டுமானால் (எதிர் காலச் சந்ததியினர் பயன்பெறவேண்டுமானால்) அவற்றை சிக்கனமாகப் பயன்படுத்த வேண்டும்.

• மின் பாவனையை சிக்கனமாக்கல்.
• குறுகிய தூரப்பயணங்களுக்கு துவிச்சக்கரவண்டியைப் பயன்படுத்தல்.
• பொதுப் போக்குவரத்தை மேம்படுத்தல், பயன்படுத்தல்.
• எரிபொருள் வினைத்திறன் வாகனங்கள்/இயந்திரங்களைப் பயன்படுத்தல்.
• மாற்றுசக்தி முதல்களைப் பயன்படுத்தல்.(சூரிய சக்தி)
• சமைப்பதற்குத் தேவையான எரிபொருளை அயற்சூழலில் இருந்து பெற்றுக்கொள்ளல்.

Python Programming with Example in Tamil

தமிழில் Python Programming

நாங்கள் Python Program இல் உள்ள எல்லா techniques குகளையும் எவ்வாறு பயன்படுத்துவது என்று  உதாரணத்துடன் பார்ப்போம்.

இதற்கு நாங்கள் ஒரு வட்டத்தின் ஆரை தரப்பட்டால் எவ்வாறு அதன் பரப்பளவைப் பெறுவது என்ற உதாரணத்தை எடுத்துக்கொள்வோம்

main program ஐ மாத்திரம் பயன்படுத்தல்.

இங்கு PI constant ஆகவும் r  variable ஆகவும் உள்ளது.

PI=22/7
r=int(input("Enter a radius of the Circle? "))
print("Area of the Circle =" , PI*r*r)
r=int(input("Enter a radius of the Circle? "))
print("Area of the Circle =" , PI*r*r)

வெளியீடு
Enter a radius of the Circle? 7
Area of the Circle = 154.0
Enter a radius of the Circle? 14
Area of the Circle = 616.0

இங்கு பரப்பளவைப் பெறுவதற்கு CirlceArea(r) எனும் procedure பயன் படுத்தப்பட்டுள்ளது. இங்கு r parameter ஆகும்.

PI=22/7

def CirlceArea(r):
    print("Area of the Circle =" , PI*r*r)

r=int(input("Enter a radius of the Circle? "))
CirlceArea(r)
r=int(input("Enter a radius of the Circle? "))
CirlceArea(r)

இங்கு பரப்பளவைப் பெறுவதற்கு CirlceArea(r) எனும் function பயன் படுத்தப்பட்டுள்ளது.  r parameter ஆகும். CirlceArea(r) எனும் function பரப்பளவை return ஆக்குகின்றது. அப் பெறுமானம் function ஐப் பயன்படுத்தும் இடத்தில்  கிடைக்கும்.

PI=22/7

def CirlceArea(r):
    return f"Area of the Circle ={PI*r*r}"  

r=int(input("Enter a radius of the Circle? "))
print(CirlceArea(r))
r=int(input("Enter a radius of the Circle? "))
print(CirlceArea(r))

இங்கு MyCircle எனும் class உருவாக்கப்பட்டு அதற்குள் PI எனும் constant உம் GetR(self,rr), CirlceArea(self) எனும் method டுக்களும் பயன்படுத்தப் பட்டுள்ளன. main program இல் C1,C2 எனும் object உருவாக்கப்பட்டு அம் method க்கல் call பண்ணப்பட்டுள்ளது. இங்கு rr parameter ஆகவும் r class varible ஆகவும் உள்ளது.

class MyCircle:
    PI=22/7
    
    def GetR(self,rr):
        self.r=rr
    
    def CirlceArea(self):
        print("Area of the Circle =" , self.PI*(self.r*self.r))

r=int(input("Enter a radius of the Circle? "))
C1=MyCircle()
C1.GetR(r)
r=int(input("Enter a radius of the Circle? "))
C2=MyCircle()
C2.GetR(r)
C1.CirlceArea()
C2.CirlceArea()

MyCircle class க்கு GetR(self,rr) method க்குப் பதிலாக ஒரு constructor பயன்படுத்தப்பட்டுள்ளது. Object  உருவாக்கும் இடத்திலேயே constructor call பண்ணப்படும்..

class MyCircle:
    PI=22/7
    
    def __init__(self,rr):
        self.r=rr
    
    def __str__(self):
        return f"Area of the Circle ={ self.PI*(self.r*self.r)}"

r=int(input("Enter a radius of the Circle? "))
C1=MyCircle(r)
r=int(input("Enter a radius of the Circle? "))
C2=MyCircle(r)
print(C1)
print(C2)